ਖੁਦਕੁਸ਼ੀ ਤੋਂ ਪਹਿਲਾਂ ਸੁਸ਼ਾਂਤ ਸਿੰਘ ਰਾਜਪੂਤ ਨੇ ਕੀ ਕੀਤਾ, ਜਾਣੋ ਆਖਰੀ ਸਮੇਂ ਦੀ ਕਹਾਣੀ

‘ਦ ਖ਼ਾਲਸ ਬਿਊਰੋ :-  ਟੀਵੀ ਸੀਰੀਅਲ ਅਦਾਕਾਰ ਸ਼ੁਸ਼ਾਂਤ ਸਿੰੰਘ ਰਾਜਪੂਤ ਨੇ ਆਪਣੀ ਅਦਾਕਾਰੀ ਦਾ ਜਾਦੂ ਦਿਖਾਉਣ ਤੋਂ ਬਾਅਦ ਫਿਲਮਾਂ ਦੇ ਜ਼ਰੀਏ ਲੋਕਾਂ ਦੇ ਦਿਲਾਂ ‘ਚ ਇੱਕ ਅਜੀਹੀ ਜਗ੍ਹਾ ਬਣਾਈ ਜਿਸ ਨੂੰ ਭੂਲਾਉਣਾ ਮੁਸ਼ਕਲ ਹੈ। ਪਰ ਕੱਲ੍ਹ 14 ਜੂਨ ਨੂੰ ਸਾਰੀ ਬਾਲੀਵੁੱਡ ਇੰਡਸਟਰੀ ਨੂੰ ਹਿੱਲ  ਗਈ, ਜਦੋਂ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮ੍ਰਿਤਕ ਦੇਹ ਉਸ ਦੇ ਫਲੈਟ ‘ਚੋਂ ਮਿਲੀ।

ਸ਼ੁਸ਼ਾਂਤ ਦੇ ਮ੍ਰਿਤਕ ਸਰੀਰ ਨੂੰ ਮੁੰਬਈ ਦੇ ਬਾਂਦ੍ਰਾ ‘ਚ ਉਸੇ ਫਲੈਟ ਤੋਂ ਬਾਹਰ ਲਿਆਂਦਾ ਗਿਆ, ਜਿੱਥੇ ਉਹ ਕਿਰਾਏ ’ਤੇ ਰਹਿੰਦੇ ਸੀ। ਪੁਲਿਸ ਦਾ ਕਹਿਣਾ ਹੈ ਕੀ ਸੁਸ਼ਾਂਤ ਨੇ ਖੁਦਕੁਸ਼ੀ ਕੀਤੀ ਹੈ। ਪਰ ਅਜੇ ਤੱਕ ਇਸ ਦਾ ਕਾਰਨ ਸਾਹਮਣੇ ਨਹੀਂ ਆਇਆ ਹੈ। ਹਾਲਾਂਕਿ ਦੱਸਿਆ ਜਾ ਰਿਹਾ ਹੈ ਕਿ ਉਹ ਪਿਛਲੇ ਛੇ ਮਹੀਨਿਆਂ ਤੋਂ ਡਿਪਰੈਸ਼ਨ ਦੀ ਬਿਮਾਰੀ ਨਾਲ ਲੜ੍ਹ ਰਹੇ ਸੀ।

ਸੁਸ਼ਾਂਤ ਸਿੰਘ ਰਾਜਪੂਤ ਦਾ ਮੁੰਬਈ ਵਿੱਚ ਆਪਣਾ ਵੀ ਇੱਕ ਫਲੈਟ ਸੀ, ਪਰ ਉਹ ਇੱਕ ਵੱਡੇ ਘਰ ਵਿੱਚ ਰਹਿਣਾ ਚਾਹੁੰਦੇ ਸੀ। ਇਸ ਲਈ ਉਹ ਅੱਠ ਮਹੀਨੇ ਪਹਿਲਾਂ ਇਸ ਕਿਰਾਏ ਦੇ ਫਲੈਟ ਵਿੱਚ ਰਹਿਣ ਆਏ। ਉਹ ਇਸ ਫਲੈਟ ਵਿੱਚ ਇਕੱਲੇ ਨਹੀਂ ਰਹਿੰਦੇ ਸੀ। ਸ਼ੁਸ਼ਾਂਤ ਦੇ ਨਾਲ ਉਨ੍ਹਾਂ ਦੀ ਇੱਕ ਕਰਿਏਟਿਵ ਮੈਨੇਜਰ, ਇੱਕ ਦੋਸਤ ਤੇ ਉਨ੍ਹਾਂ ਲਈ ਖਾਣਾ ਬਣਾਉਣ ਵਾਲਾ ਨੌਕਰ ਵੀ ਰਹਿੰਦੇ ਸੀ। ਉਸ ਘਰ ਵਿੱਚ ਰਹਿੰਦੇ ਕਿਸੇ ਵੀ ਮੈਂਬਰ ਨੇ ਇਹ ਨਹੀਂ ਸੋਚਿਆ ਸੀ ਕਿ ਦਿਨ ਐਂਤਵਾਰ 14 ਜੂਨ ਦੀ ਸਵੇਰ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਆਖ਼ਰੀ ਸਵੇਰ ਹੋਵੇਗੀ।

ਦੋਸਤ ਨੂੰ ਕੀਤਾ ਆਖ਼ਰੀ ਫੋਨ
ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਘਰੇਲੂ ਹੈਲਪਰ ਨੇ ਪੁਲਿਸ ਨੂੰ ਦੱਸਿਆ, “ਸਵੇਰ ਤੱਕ ਸਭ ਕੁੱਝ ਠੀਕ ਸੀ। ਸਵੇਰੇ 6.30 ਵਜੇ ਸੁਸ਼ਾਂਤ ਸਿੰਘ ਸੋਂ ਕੇ ਉੱਠੇ ਸਨ। ਘਰ ਦੇ ਨੌਕਰ ਨੇ ਉਨ੍ਹਾਂ ਨੂੰ ਸਵੇਰੇ 9 ਵਜੇ ਅਨਾਰ ਦਾ ਜੂਸ ਦਿੱਤਾ ਤੇ ਉਨ੍ਹਾਂ ਨੇ ਉਹ ਪੀਤਾ ਵੀ ਸੀ। “ ਇਸ ਤੋਂ ਬਾਅਦ, ਸੁਸ਼ਾਂਤ ਨੇ 9 ਵਜੇ ਆਪਣੀ ਭੈਣ ਨਾਲ ਵੀ ਗੱਲ ਕੀਤੀ। ਆਪਣੀ ਭੈਣ ਨਾਲ ਗੱਲ ਕਰਨ ਤੋਂ ਬਾਅਦ, ਉਨ੍ਹਾਂ ਨੇ ਆਪਣੇ ਦੋਸਤ ਮਹੇਸ਼ ਸ਼ੈੱਟੀ ਨਾਲ ਗੱਲ ਕੀਤੀ ਜੋ ਇੱਕ ਅਦਾਕਾਰ ਹਨ। ਉਨ੍ਹਾਂ ਨਾਲ ਹੀ ਸੁਸ਼ਾਂਤ ਨੇ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।” “ਇਹ ਦੋਵੇਂ ਏਕਤਾ ਕਪੂਰ ਦੇ ਸ਼ੋਅ  ‘ਕਿਸ ਦੇਸ਼ ਮੇਂ ਹੋਗਾ ਮੇਰਾ ਦਿਲ’ ਵਿੱਚ ਇਕੱਠੇ ਦੇਖੇ ਗਏ ਸਨ। ਦੋਵੇਂ ਬਹੁਤ ਚੰਗੇ ਦੋਸਤ ਸਨ ਤੇ ਸੁਸ਼ਾਂਤ ਨੇ ਉਨ੍ਹਾਂ ਨੂੰ ਆਖ਼ਰੀ ਫੋਨ ਕੀਤਾ।”

ਉਨ੍ਹਾਂ ਦੱਸਿਆ, “ਇਸ ਤੋਂ ਬਾਅਦ ਉਹ ਆਪਣੇ ਕਮਰੇ ਵਿੱਚ ਚਲੇ ਗਏ ਤੇ ਕਮਰੇ ਨੂੰ ਅੰਦਰੋਂ ਬੰਦ ਕਰ ਦਿੱਤਾ। ਜਦੋਂ 10 ਵਜੇ ਨੌਕਰ ਭੋਜਨ ਬਾਰੇ ਸੁਸ਼ਾਂਤ ਨੂੰ ਪੁੱਛਣ ਗਿਆ ਤਾਂ ਉਨ੍ਹਾਂ ਨੇ ਬੂਹਾ ਨਹੀਂ ਖੋਲ੍ਹਿਆ।

ਜਦੋਂ ਸੁਸ਼ਾਂਤ ਦੀ ਭੈਣ ਨੂੰ ਬੁਲਾਉਣਾ ਪਿਆ
ਫਿਰ ਦੋ-ਤਿੰਨ ਘੰਟਿਆਂ ਬਾਅਦ, ਮੈਨੇਜਰ ਨੇ ਸੁਸ਼ਾਂਤ ਦੀ ਭੈਣ ਨੂੰ ਫ਼ੋਨ ਕੀਤਾ। ਜਦੋਂ ਉਨ੍ਹਾਂ ਦੀ ਭੈਣ ਆਈ ਤਾਂ ਤਾਲੇ-ਚਾਬੀ ਵਾਲੇ ਨੂੰ ਬੁਲਾ ਕੇ ਦਰਵਾਜ਼ਾ ਖੋਲ੍ਹਿਆ ਗਿਆ। ਦਰਵਾਜ਼ਾ ਖੋਲ੍ਹਦਿਆਂ ਹੀ ਜੋ ਦਿਖਿਆ, ਉਸ ਨੇ ਸਾਰਿਆਂ ਨੂੰ ਸਦਮੇ ਵਿੱਚ ਪਾ ਦਿੱਤਾ। ਪੁਲਿਸ ਅਨੁਸਾਰ ਸੁਸ਼ਾਂਤ ਦੀ ਮੌਤ ਸਵੇਰੇ 10 ਵਜੇ ਤੋਂ 1 ਵਜੇ ਦੇ ਵਿਚਕਾਰ ਦੱਸੀ ਜਾ ਰਹੀ ਹੈ।  ਸੁਸ਼ਾਂਤ ਦੀ ਭੈਣ ਤੇ ਬਾਕੀ ਲੋਕਾਂ ਨੇ ਸੁਸ਼ਾਂਤ ਦੀ ਲਾਸ਼ ਫਾਹੇ ਨਾਲ ਲਟਕਦੀ ਦੇਖੀ, ਉਸ ਤੋਂ ਬਾਅਦ ਘਰੇਲੂ ਹੈਲਪਰ ਨੇ ਪੁਲਿਸ ਨੂੰ ਫ਼ੋਨ ਕੀਤਾ, ਅਤੇ ਮੌਤ ਦੀ ਖ਼ਬਰ 2 ਵਜੇ ਆ ਗਈ।

ਪੁਲਿਸ ਨੇ ਮੀਡੀਆ ਨੂੰ ਦੱਸਿਆ ਕੀ ਉਨ੍ਹਾਂ ਨੂੰ ਦੁਪਹਿਰ 2 ਵਜੇ ਸੁਸ਼ਾਂਤ ਦੀ ਮੌਤ ਦੀ ਖ਼ਬਰ ਮਿਲੀ ਤੇ ਉਹ 2.30 ਵਜੇ ਤੱਕ ਉਨ੍ਹਾਂ ਦੇ ਫਲੈਟ ‘ਤੇ ਪਹੁੰਚ ਗਏ। ਮੁੰਬਈ ਪੁਲਿਸ ਨੇ ਦੁਪਹਿਰ 2.30 ਵਜੇ ਤੋਂ ਆਪਣੀ ਜਾਂਚ ਸ਼ੁਰੂ ਕਰ ਦਿੱਤੀ। ਪੁਲਿਸ ਨੂੰ ਅਜੇ ਤੱਕ ਫਲੈਟ ਤੋਂ ਕੋਈ ਸੁਸਾਈਡ ਨੋਟ ਨਹੀਂ ਮਿਲਿਆ ਹੈ।

ਸੁਸ਼ਾਂਤ ਦੇ ਮ੍ਰਿਤਕ ਸਰੀਰ ਨੂੰ ਸ਼ਾਮ 5.30 ਵਜੇ ਡਾ.ਆਰ ਐਨ ਕਪੂਰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਨ੍ਹਾਂ ਦਾ ਪੋਸਟਮਾਰਟਮ ਹੋਇਆ।
ਸ਼ਾਮ ਕਰੀਬ 6.45 ਵਜੇ ਮੁੰਬਈ ਦੇ ਜ਼ੋਨ-9 ਦੇ ਡੀਸੀਪੀ ਅਭਿਸ਼ੇਕ ਤ੍ਰਿਮੁਖੇ ਨੇ ਮੀਡੀਆ ਨੂੰ ਦੱਸਿਆ, “ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਫਾਹਾ ਲੈਣ ਕਰਕੇ ਹੋਈ ਹੈ, ਪਰ ਪੋਸਟ ਮਾਰਟਮ ਦੀ ਰਿਪੋਰਟ ਮਿਲਣ ਤੋਂ ਬਾਅਦ ਹੀ ਪੁਲਿਸ ਉਨ੍ਹਾਂ ਦੀ ਮੌਤ ਦੇ ਸਹੀ ਕਾਰਨ ਦੱਸ ਸਕਦੀ ਹੈ। ਹਾਂ, ਸਾਨੂੰ ਅਜੇ ਤੱਕ ਕੋਈ ਸ਼ੱਕੀ ਚੀਜ਼ ਨਹੀਂ ਮਿਲੀ ਹੈ।”

ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ 34 ਸਾਲ ਦੇ ਸਨ ਤੇ ਉਨ੍ਹਾਂ ਨੇ ਬਾਲੀਵੁੱਡ ਵਿੱਚ ਆਪਣੀ ਵੱਖਰੀ ਪਛਾਣ ਬਣਾਈ ਸੀ। ਐਂਤਵਾਰ ਸ਼ਾਮ 7 ਵਜੇ ਖ਼ਬਰ ਆਈ ਕਿ ਸੁਸ਼ਾਂਤ ਦੇ ਪਿਤਾ ਤੇ ਪੂਰਾ ਪਰਿਵਾਰ ਬਿਹਾਰ ਤੋਂ ਮੁੰਬਈ ਪਹੁੰਚ ਰਹੇ ਹਨ ਤੇ ਸੋਮਵਾਰ ਨੂੰ ਉਨ੍ਹਾਂ ਦਾ ਸੰਸਕਾਰ ਕੀਤਾ ਜਾਵੇਗਾ।

ਰਿਸਕ ਲੈਣ ਤੋਂ ਨਹੀਂ ਡਰਦੇ ਸੀ
ਪਿਛਲੇ 10 ਸਾਲਾਂ ਵਿੱਚ ਜੋ ਮੈਂ ਦੋ-ਤਿੰਨ ਸੀਰੀਅਲ ਦੇਖੇ ਹਨ ਤਾਂ ਇਨ੍ਹਾਂ ਵਿੱਚੋਂ ਇੱਕ ਸੀ ਪਵਿੱਤਰ ਰਿਸ਼ਤਾ, ਇਸ ਦੀ ਵਜ੍ਹਾ ਸੀ ਸੁਸ਼ਾਂਤ ਸਿੰਘ ਦਾ ਕਿਰਦਾਰ (ਮਾਨਵ) ਤੇ ਅੰਕਿਤਾ ਲੋਖੰਡੇ ਦਾ ਕਿਰਦਾਰ (ਅਰਚਨਾ) ਦੋਨਾਂ ਦੀ ਐਕਟਿੰਗ ਤੇ ਜੋੜੀ ਜੋ ਉਸ ਸਮੇਂ ਅਸਲ ਵਿੱਚ ਵੀ ਰਿਸ਼ਤੇ ਵਿੱਚ ਸੀ।

ਸੁਸ਼ਾਂਤ ਦੀ ਇੱਕ ਵੱਡੀ ਖੂਬੀ ਸੀ ਰਿਸਕ ਲੈਣ! ਉਨ੍ਹਾਂ ਦੀ ਕਾਬਲੀਅਤ ਤੇ ਜਿਗਰਾ, ਜਦੋਂ ਹੱਥ ਵਿੱਚ ਕੁੱਝ ਨਹੀਂ ਸੀ ਤਾਂ ਉਹ ਇੰਜੀਨੀਅਰਿੰਗ ਛੱਡ ਕੇ ਐਕਟਿੰਗ ਵਿੱਚ ਆ ਕੁੱਦੇ ਤੇ ਮੁੰਬਈ ਵਿੱਚ ਨਾਦਿਰਾ ਬੱਬਰ ਦੇ ਥਿਏਟਰ ਗਰੁੱਪ ਨੂੰ ਉਨ੍ਹਾਂ ਨੇ ਜੂਆਇਨ ਕੀਤਾ। ਜਦੋਂ ਦੂਸਰੇ ਹੀ ਟੀਵੀ ਸੀਰੀਅਲ ਨੂੰ ਵੱਡੀ ਸਫ਼ਲਤਾ ਮਿਲੀ ਤਾਂ 2011 ਵਿੱਚ ਪਵਿੱਤਰ ਰਿਸ਼ਤਾ ਵਿੱਚ ਮੇਨ ਰੋਲ ਛੱਡ ਕੇ ਉਨ੍ਹਾਂ ਨੇ ਇੱਕ ਵਾਰ ਫਿਰ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ।

ਕਦੇ ਨਾ ਘਬਰਾਉਣ ਵਾਲੇ ਸੁਸ਼ਾਂਤ
ਸ਼ੁਸ਼ਾਂਤ ‘ਚ ਇੱਕ ਗਜ਼ਬ ਦਾ ਆਤਮ-ਵਿਸ਼ਵਾਸ਼ ਸੀ। ਜਦੋਂ ਬੀਬੀਸੀ ਨਾਲ ਇੱਕ ਇੰਟਰਵਿਊ ਵਿੱਚ ਉਨ੍ਹਾਂ ਨੇ ਕਿਹਾ ਸੀ, “ਮੈਨੂੰ ਫ਼ਿਲਮਾਂ ਨਹੀਂ ਮਿਲਣਗੀਆਂ ਤਾਂ ਮੈਂ ਟੀਵੀ ਸੀਰੀਅਲ ਕਰਨਾ ਸ਼ੁਰੂ ਕਰ ਦਿਆਂਗਾ। ਜੇ ਟੀਵੀ ਨਾ ਮਿਲਿਆ ਤਾਂ ਮੈਂ ਥਿਏਟਰ ਵੱਲ ਮੁੜ ਜਾਵਾਂਗਾ। ਥਿਏਟਰ ਵਿੱਚ ਮੈਂ 250 ਰੁਪਏ ਵਿੱਚ ਸ਼ੋਅ ਕਰਦਾ ਸੀ। ਮੈਂ ਉਸ ਸਮੇਂ ਵੀ ਖ਼ੁਸ਼ ਸੀ ਕਿਉਂਕਿ ਮੈਨੂੰ ਅਦਾਕਾਰੀ ਪਸੰਦ ਹੈ। ਅਜਿਹੇ ਵਿੱਚ ਅਸਫ਼ਲ ਹੋਣ ਦਾ ਮੈਨੂੰ ਡਰ ਨਹੀਂ ਹੈ।”

ਸੋਚ ਕੇ ਹੀ ਹੈਰਾਨੀ ਹੁੰਦੀ ਹੈ ਕੀ ਆਤਮ-ਵਿਸ਼ਵਾਸ਼ ਨਾਲ ਭਰਿਆ ਇੱਕ ਨੌਜਵਾਨ ਜਿਸ ਨੂੰ ਅਸਫ਼ਲਤਾ ਤੋਂ ਡਰ ਨਹੀਂ ਸੀ ਲਗਦਾ, ਤੇ ਸਫ਼ਲਤਾ ਜਿਸ ਦੇ ਪੈਰ ਚੁੰਮ ਰਹੀ ਸੀ, ਜਿਸ ਅੱਗੇ ਸਾਰੀ ਜ਼ਿੰਦਗੀ ਪਈ ਸੀ, ਅਜਿਹਾ ਕੀ ਹੋਇਆ। ਜੋ ਉਸਨੇ ਆਪਣੀ ਜ਼ਿੰਦਗੀ ਤੋਂ ਹਾਰ ਮੰਨ ਲਈ ਜਿਵੇਂ ਕਿ ਪੁਲਿਸ ਦਾ ਦਾਅਵਾ ਹੈ। ਹਾਲਾਂਕਿ ਪੁਲਿਸ ਹਾਲੇ ਤੱਕ ਇਸ ਦੀ ਜਾਂਚ ਕਰ ਰਹੀ ਹੈ।

ਸੁਸ਼ਾਂਤ ਸਿੰਘ ਰਾਜਪੂਤ ਦਾ ਪਹਿਲਾ ਸੀਰੀਅਲ ਸੀ ” ਕਿਸ ਦੇਸ਼ ਮੇਂ ਹੈ ਮੇਰਾ ਦਿਲ “। ਜਿਸ ਦੇ ਸ਼ੁਰੂ ਵਿੱਚ ਹੀ ਉਨ੍ਹਾਂ ਨੂੰ ਮਾਰ ਦਿੱਤਾ ਜਾਂਦਾ ਹੈ। ਲੇਕਿਨ ਛੋਟੇ ਜਿਹੇ ਰੋਲ ਵਿੱਚ ਹੀ ਉਹ ਇੰਨੇ ਪ੍ਰਸਿੱਧ ਹੋਏ ਗਏ ਸਨ ਕਿ ਸੀਰੀਅਲ ਦੇ ਆਖ਼ਰ ਵਿੱਚ ਉਨ੍ਹਾਂ ਨੂੰ ਪਰੇਤ-ਆਤਮਾ ਬਣਾ ਕੇ ਸੀਰੀਅਲ ਵਿੱਚ ਵਾਪਸ ਲਿਆਂਦਾ ਗਿਆ।

ਉਹ ਕਲਪਨਾ ਜਾਂ ਐਕਟਿੰਗ ਦੀ ਦੁਨੀਆਂ ਸੀ ਤੇ ਇਹ ਸੱਚਾਈ ਜਿੱਥੇ ਸੁਸ਼ਾਂਤ ਕਦੇ ਵਾਪਸ ਨਹੀਂ ਮੁੜ ਸਕਣਗੇ। ਸੋਨਚਿੜੀਆ ਦਾ ਉਹ ਡਾਇਲੌਗ ਯਾਦ ਆ ਰਿਹਾ ਹੈ ਜਦੋਂ ਮਨੋਜ ਵਾਜਪਾਈ ਸੁਸ਼ਾਂਤ ਨੂੰ ਪੁੱਛਦੇ ਹਨ ਕੀ ਉਨ੍ਹਾਂ ਨੂੰ ਮਰਨ ਤੋਂ ਡਰ ਲਗਦਾ ਹੈ ਤਾਂ ਲਾਖਨ ਬਣੇ ਸੁਸ਼ਾਂਤ ਕਹਿੰਦੇ ਹਨ, “ਇੱਕ ਜਨਮ ਨਿਕਲ ਗਿਆ ਇਨ੍ਹਾਂ ਬੀਹੜਾਂ ਵਿੱਚ ਦਾਦਾ, ਹੁਣ ਮਰਨ ਤੋਂ ਕਿਉਂ ਡਰਾਂਗੇ।”

The post ਖੁਦਕੁਸ਼ੀ ਤੋਂ ਪਹਿਲਾਂ ਸੁਸ਼ਾਂਤ ਸਿੰਘ ਰਾਜਪੂਤ ਨੇ ਕੀ ਕੀਤਾ, ਜਾਣੋ ਆਖਰੀ ਸਮੇਂ ਦੀ ਕਹਾਣੀ appeared first on The Khalas Tv.

‘ਦ ਖ਼ਾਲਸ ਬਿਊਰੋ :-  ਟੀਵੀ ਸੀਰੀਅਲ ਅਦਾਕਾਰ ਸ਼ੁਸ਼ਾਂਤ ਸਿੰੰਘ ਰਾਜਪੂਤ ਨੇ ਆਪਣੀ ਅਦਾਕਾਰੀ ਦਾ ਜਾਦੂ ਦਿਖਾਉਣ ਤੋਂ ਬਾਅਦ ਫਿਲਮਾਂ ਦੇ ਜ਼ਰੀਏ ਲੋਕਾਂ ਦੇ ਦਿਲਾਂ ‘ਚ ਇੱਕ ਅਜੀਹੀ ਜਗ੍ਹਾ ਬਣਾਈ ਜਿਸ ਨੂੰ ਭੂਲਾਉਣਾ ਮੁਸ਼ਕਲ ਹੈ। ਪਰ ਕੱਲ੍ਹ 14 ਜੂਨ ਨੂੰ ਸਾਰੀ ਬਾਲੀਵੁੱਡ ਇੰਡਸਟਰੀ ਨੂੰ ਹਿੱਲ  ਗਈ, ਜਦੋਂ ਸੁਸ਼ਾਂਤ ਸਿੰਘ ਰਾਜਪੂਤ ਦੀ…
The post ਖੁਦਕੁਸ਼ੀ ਤੋਂ ਪਹਿਲਾਂ ਸੁਸ਼ਾਂਤ ਸਿੰਘ ਰਾਜਪੂਤ ਨੇ ਕੀ ਕੀਤਾ, ਜਾਣੋ ਆਖਰੀ ਸਮੇਂ ਦੀ ਕਹਾਣੀ appeared first on The Khalas Tv.