ਦੁੱਧ ਗੰਗਾ ਯੋਜਨਾ, ਇਸ ਤਾਂ ਲਓ ਡੇਅਰੀ ਲਈ 24 ਲੱਖ ਰੁਪਏ ਦਾ ਲੋਨ, ਜਾਣੋ ਪੂਰੀ ਯੋਜਨਾ

ਕਿਸਾਨਾਂ ਦੀ ਆਮਦਨ ਵਧਾਉਣ ਲਈ ਸਰਕਾਰ ਕਈ ਤਰ੍ਹਾਂ ਦੀਆਂ ਸਕੀਮਾਂ ਲਿਆਉਂਦੀ ਰਹਿੰਦੀ ਹੈ। ਅਜਿਹੀ ਹੀ ਇੱਕ ਯੋਜਨਾ ਹੈ ਦੁੱਧ ਗੰਗਾ ਯੋਜਨਾ। ਇਸ ਸਕੀਮ ਵਿੱਚ ਸਰਕਾਰ ਕਿਸਾਨਾਂ ਨੂੰ ਡੇਅਰੀ ਫਾਰਮਿੰਗ ਲਈ ਪੈਸੇ ਦਿੰਦੀ ਹੈ। ਇਸ ਸਕੀਮ ਵਿੱਚ ਡੇਅਰੀ ਫਾਰਮਿੰਗ ਤੋਂ ਇਲਾਵਾ ਇਸ ਨਾਲ ਸਬੰਧਤ ਖੇਤਰਾਂ ਵਿੱਚ ਸਬਸਿਡੀਆਂ ਵੀ ਦਿੱਤੀਆਂ ਜਾਂਦੀਆਂ ਹਨ।

ਤੁਹਾਨੂੰ ਦੱਸ ਦੇਈਏ ਕਿ ਇਹ ਯੋਜਨਾ ਭਾਰਤ ਸਰਕਾਰ ਦੇ ਪਸ਼ੂ ਪਾਲਣ ਵਿਭਾਗ ਦੁਆਰਾ ਨੈਸ਼ਨਲ ਬੈਂਕ ਫਾਰ ਐਗਰੀਕਲਚਰ ਐਂਡ ਰੂਰਲ ਡਿਵੈਲਪਮੈਂਟ (ਨਾਬਾਰਡ) ਦੁਆਰਾ ਡੇਅਰੀ ਉੱਦਮ ਪੂੰਜੀ ਯੋਜਨਾ ਦੇ ਰੂਪ ਵਿੱਚ ਸ਼ੁਰੂ ਕੀਤੀ ਗਈ ਸੀ। ਫਿਲਹਾਲ ਇਹ ਸਕੀਮ ਹਿਮਾਚਲ ਪ੍ਰਦੇਸ਼ ਵਿੱਚ ਡੇਅਰੀ ਫਾਰਮਿੰਗ ਲਈ ਹੈ ਅਤੇ ਜਲਦੀ ਹੀ ਇਸ ਨੂੰ ਪੰਜਾਬ ਅਤੇ ਹੋਰ ਰਾਜਾਂ ਵਿੱਚ ਵੀ ਲਿਆਂਦਾ ਜਾ ਸਕਦਾ ਹੈ।

ਜਾਣਕਾਰੀ ਅਨੁਸਾਰ ਇਸ ਯੋਜਨਾ ਤਹਿਤ ਹਿਮਾਚਲ ਪ੍ਰਦੇਸ਼ ਸਰਕਾਰ 2 ਤੋਂ 10 ਦੁਧਾਰੂ ਪਸ਼ੂਆਂ ਲਈ 5 ਲੱਖ ਰੁਪਏ ਤੱਕ ਦਾ ਕਰਜ਼ਾ ਦਿੰਦੀ ਹੈ। ਇਸੇ ਤਰ੍ਹਾਂ 5 ਤੋਂ 20 ਵੱਛੀਆਂ ਪਾਲਣ ਲਈ 4.80 ਲੱਖ ਰੁਪਏ ਦਾ ਕਰਜ਼ਾ, ਵਰਮੀ ਕੰਪੋਸਟ ਲਈ 0.20 ਲੱਖ ਰੁਪਏ ਦਾ ਕਰਜ਼ਾ, ਮਿਲਕਿੰਗ ਮਸ਼ੀਨ/ਮਿਲਕੋਟਾਸਟਰ/ਵੱਡੇ ਮਿਲਕ ਕੂਲਰ ਯੂਨਿਟ (2000 ਲੀਟਰ ਤੱਕ) ਲਈ 18 ਲੱਖ ਰੁਪਏ ਦਾ ਕਰਜ਼ਾ ਦਿੱਤਾ ਜਾਂਦਾ ਹੈ।

ਇਸੇ ਤਰ੍ਹਾਂ ਦੇਸੀ ਦੁੱਧ ਉਤਪਾਦ ਬਣਾਉਣ ਵਾਲੇ ਯੂਨਿਟ ਸਥਾਪਤ ਕਰਨ ਲਈ 12 ਲੱਖ ਰੁਪਏ ਦਾ ਕਰਜ਼ਾ, ਦੁੱਧ ਉਤਪਾਦਾਂ ਦੀ ਢੋਆ-ਢੁਆਈ ਅਤੇ ਕੋਲਡ ਚੇਨ ਸਹੂਲਤ ਲਈ 24 ਲੱਖ ਰੁਪਏ ਦਾ ਕਰਜ਼ਾ, ਦੁੱਧ ਅਤੇ ਦੁੱਧ ਉਤਪਾਦਾਂ ਦੇ ਕੋਲਡ ਸਟੋਰੇਜ ਲਈ 30 ਲੱਖ ਰੁਪਏ ਦਾ ਕਰਜ਼ਾ ਅਤੇ ਦੁੱਧ ਉਤਪਾਦ ਵੇਚਣ ਵਾਲੇ ਬੂਥ ਦੀ ਸਥਾਪਨਾ ਲਈ 56 ਹਜ਼ਾਰ ਰੁਪਏ ਦਾ ਕਰਜ਼ਾ ਮਿਲਦਾ ਹੈ।

ਇਸ ਸਕੀਮ ਵਿੱਚ ਸਰਕਾਰ 10 ਪਸ਼ੂਆਂ ਦੇ ਡੇਅਰੀ ਫਾਰਮ ਲਈ 3 ਲੱਖ ਰੁਪਏ ਦਾ ਕਰਜ਼ਾ ਦਿੰਦੀ ਹੈ ਅਤੇ ਇਸ ਦਾ 50 ਫੀਸਦੀ ਵਿਆਜ ਮੁਕਤ ਹੁੰਦਾ ਹੈ। ਯਾਨੀ ਕਿਸਾਨਾਂ ਨੂੰ ਸਿਰਫ਼ 5 ਲੱਖ ਦਾ ਵਿਆਜ ਦੇਣਾ ਪਵੇਗਾ। ਇਸ ਸਕੀਮ ਦਾ ਲਾਭ ਲੈਣ ਲਈ, ਤੁਸੀਂ ਹਿਮਾਚਲ ਪ੍ਰਦੇਸ਼ ਦੀ ਅਧਿਕਾਰਤ ਪਸ਼ੂ ਪਾਲਣ ਵੈੱਬਸਾਈਟ hpagrisnet.gov.in/hpagris/AnimalHusbandry ‘ਤੇ ਜਾ ਸਕਦੇ ਹੋ।

ਕਿਸਾਨਾਂ ਦੀ ਆਮਦਨ ਵਧਾਉਣ ਲਈ ਸਰਕਾਰ ਕਈ ਤਰ੍ਹਾਂ ਦੀਆਂ ਸਕੀਮਾਂ ਲਿਆਉਂਦੀ ਰਹਿੰਦੀ ਹੈ। ਅਜਿਹੀ ਹੀ ਇੱਕ ਯੋਜਨਾ ਹੈ ਦੁੱਧ ਗੰਗਾ ਯੋਜਨਾ। ਇਸ ਸਕੀਮ ਵਿੱਚ ਸਰਕਾਰ ਕਿਸਾਨਾਂ ਨੂੰ ਡੇਅਰੀ ਫਾਰਮਿੰਗ ਲਈ …