ਕਿਸਾਨਾਂ ਨੂੰ ਨਵੇਂ ਸਾਲ ਦਾ ਤੋਹਫ਼ਾ ਦੇਵੇਗਾ ਮੋਦੀ-1 ਜਨਵਰੀ ਨੂੰ ਹੀ ਖਾਤਿਆਂ ਚ’ ਆਉਣਗੇ ਪੈਸੇ-ਹੋਜੋ ਤਿਆਰ

ਨਵੇਂ ਸਾਲ ਦਾ ਪਹਿਲਾ ਦਿਨ ਕਿਸਾਨਾਂ ਲਈ ਨਵੀਂ ਖੁਸ਼ੀ ਲੈ ਕੇ ਆਏਗਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇਸ਼ ਦੇ ਕਿਸਾਨਾਂ ਨੂੰ ਨਵੇਂ ਸਾਲ ’ਚ ਤੋਹਫ਼ ਦੇਣਗੇ। ਪੀਐੱਮ-ਕਿਸਾਨ ਸਨਮਾਨ ਨਿਧੀ ਦੇ ਤਹਿਤ ਕਿਸਾਨਾਂ ਨੂੰ ਚਾਲੂ ਵਿੱਤੀ ਸਾਲ ਦੀ ਤੀਜੀ ਕਿਸ਼ਤ ਦਾ ਪੈਸਾ ਮਿਲ ਜਾਵੇਗਾ। ਇਸ ਲਈ ਹੋਣ ਵਾਲੇ ਇਕ ਪ੍ਰੋਗਰਾਮ ’ਚ ਪ੍ਰਧਾਨ ਮੰਤਰੀ ਮੋਦੀ ਤੀਜੀ ਕਿਸ਼ਤ ੀ ਰਾਸ਼ੀ ਸਿੱਧੇ ਕਿਸਾਨਾਂ ਦੇ ਬੈਂਕ ਖਾਤੇ ’ਚ ਜਮ੍ਹਾ ਕਰਾਉਣਗੇ। ਇਸਦਾ ਫਾਇਦਾ ਦੇਸ਼ ਦੇ ਲਗਪਗ 12 ਕਰੋੜ ਕਿਸਾਨਾਂ ਨੂੰ ਮਿਲੇਗਾ। ਪ੍ਰੋਗਰਾਮ ਦੀ ਸੂਚਨਾ ਸਾਰੇ ਸੂਬਿਆਂ ਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੀਆਂ ਸਰਕਾਰਾਂ ਨੂੰ ਭੇਜ ਦਿੱਤੀ ਗਈ ਹੈ।

ਖੇਤੀ ਸੁਧਾਰ ਦੇ ਤਿੰਨਾ ਕਾਨੂੰਨਾਂ ਦੀ ਵਾਪਸੀ ਤੋਂ ਬਾਅਦ ਪ੍ਰਧਾਨ ਮੰਤਰੀ ਮੋਦੀ ਦਾ ਇਹ ਪਹਿਲਾ ਵੱਡਾ ਪ੍ਰੋਗਰਾਮ ਹੋਵੇਗਾ, ਜਿਸ ਵਿਚ ਦੇਸ਼ ਦੇ ਕਿਸਾਨਾਂ ਨੂੰ ਸਿੱਧਾ ਸੰਬੋਧਨ ਕਰ ਸਕਦੇ ਹਨ। ਕੇਂਦਰੀ ਯੋਜਨਾਵਾਂ ’ਚ ਪਿੰਡ, ਗਰੀਬ ਤੇ ਕਿਸਾਨਾਂ ਨੂੰ ਉੱਚ ਤਰਜੀਹ ਦੇਣ ਵਾਲੀ ਮੋਦੀ ਸਰਕਾਰ ਪੀਐੱਮ-ਕਿਸਾਨ ਤਹਿਤ ਕਿਸਾਨਾਂ ਨੂੰ ਹੁਣ ਤਕ ਨੌ ਕਿਸ਼ਤਾਂ ਦੇ ਚੁੱਕੀ ਹੈ।

ਇਕ ਜਨਵਰੀ, 2022 ਨੂੰ ਜਾਰੀ ਕੀਤੀ ਜਾਣ ਵਾਲੀ ਦੋ ਹਜ਼ਾਰ ਦੀ ਇਹ 10ਵੀਂ ਕਿਸ਼ਤ ਹੋਵੇਗੀ। ਪੀਐੱਮ-ਕਿਸਾਨ ਤਹਿਤ ਦੋ-ਦੋ ਹਜ਼ਾਰ ਰੁਪਏ ਦੀਆਂ ਤਿੰਨ ਕਿਸ਼ਤਾਂ ਹਰ ਖੇਤੀ ਸੀਜ਼ਨ ਤੋਂ ਪਹਿਲਾਂ ਕਿਸਾਨਾਂ ਨੂੰ ਦਿੱਤੀ ਜਾਂਦੀ ਹੈ। ਸਾਊਣੀ ਤੇ ਜਾਇਦ ਦੀਆਂ ਕਿਸ਼ਤਾਂ ਪਹਿਲਾਂ ਹੀ ਕਿਸਾਨਾਂ ਦੇ ਖਾਤੇ ਵਿਚ ਪਹੁੰਚ ਚੁੱਕੀਆਂ ਹਨ। ਇਕ ਜਨਵਰੀ ਨੂੰ ਜਾਰੀ ਹੋਣਵਾਲੀ ਕਿਸ਼ਤ ਹਾੜ੍ਹੀ ਸੀਜ਼ਨ ਦੀ ਤਿਆਰੀ ਦੇ ਲਿਹਾਜ਼ ਨਾਲ ਅਤਿਅੰਤ ਖਾਸ ਹੋਵੇਗੀ। ਇਸ ਕਿਸ਼ਤ ਦਾ ਕਿਸਾਨਾਂ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਹੈ।

ਮੌਜੂਦਾ ਵਿੱਤੀ ਸਾਲ ’ਚ ਪੀਐੱਮ-ਕਿਸਾਨ ਦੀ ਪਹਿਲੀ ਕਿਸ਼ਤ ਅਪ੍ਰੈਲ 2021 ’ਚ ਕੁੱਲ 11.16 ਕਰੋੜ ਤੋਂ ਜ਼ਿਆਦਾ ਕਿਸਾਨਾਂ ਦੇ ਬੈਂਕ ਖਾਤਿਆਂ ’ਚ ਜਮ੍ਹਾਂ ਕਰਾਈ ਗਈ। ਦੂਜੀ ਕਿਸ਼ਤ ਅਗਸਤ, 2021 ’ਚ ਜਮ੍ਹਾਂ ਹੋਈ, ਜਿਸਦਾ ਲਾਭ 11.11 ਕਰੋੜ ਕਿਸਾਨਾਂ ਨੂੁੰ ਹੋਇਆ। ਇਹ ਤੀਜੀ ਤੇ ਆਖਰੀ ਕਿਸ਼ਤ ਹੋਵੇਗੀ। ਪੀਐੱਮ-ਕਿਸਾਨ ਸਕੀਮ ’ਚ ਹੁਣ ਤਕ ਕੁੱਲ 12.31 ਕਰੋੜ ਕਿਸਾਨਾਂ ਨੇ ਆਪਣੀ ਰਜਿਸਟ੍ਰੇਸ਼ਨ ਕਰਾ ਲਈ ਹੈ।

ਯੋਜਨਾ ਦਾ ਲਾਭ ਹਾਸਲ ਕਰਨ ਵਾਲੇ ਕਿਸਾਨਾਂ ਦੇ ਰਿਕਾਰਡ ਦੀ ਜਾਂਚ ਲਗਾਤਾਰ ਕੀਤੀ ਜਾ ਰਹੀ ਹੈ। ਆਪਣੀ ਰਜਿਸਟ੍ਰੇਸ਼ਨ ਤੇ ਹੋਰ ਜਾਣਕਾਰੀ ਲੁਕਾਉਣ ਵਾਲੇ ਕਿਸਾਨਾਂ ਦੇ ਖਾਤੇ ’ਚ ਸੰਭਵ ਹੈ ਕਿ ਪੈਸਾ ਜਮ੍ਹਾ ਨਾ ਹੋਵੇ। ਇਸ ਲਈ ਆਪਣੇ ਆਧਾਰ ਨੰਬਰ ਨਾਲ ਲਿੰਕ ਕਰਨਾ ਜ਼ਰੂਰੀ ਹੈ। ਨਾਂ ਤੇ ਰਜਿਸਟ੍ਰੇਸ਼ਨ ’ਚ ਕਿਸੇ ਤਰ੍ਹਾਂ ਦੀ ਗਲਤੀ ਦੇ ਕਾਰਨ ਵੀ ਕਿਸ਼ਤ ਰੋਕੀ ਜਾ ਸਕਦੀ ਹੈ। ਆਨਲਾਈਨ ਰਜਿਸਟ੍ਰੇਸ਼ਨ ਦੌਰਾਨ ਕਿਸੇ ਵੀ ਤਰ੍ਹਾਂ ਜੇਕਰ ਬੈਂਕ ਸਬੰਧੀ ਜਾਣਕਾਰੀ ’ਚ ਗੜਬੜੀ ਹੋਈ ਤਾਂ ਕਿਸ਼ਤ ਰੋਕੀ ਜਾ ਸਕਦੀ ਹੈ। ਏਨਾ ਹੀ ਨਹੀਂ, ਗੈਰ ਪਾਤਰ ਲੋਕਾਂ ਵਲੋਂ ਫਰਜ਼ੀ ਅਰਜ਼ੀ ਜਾਂ ਗਲਤ ਜਾਣਕਾਰੀ ਦੇ ਆਧਾਰ ’ਤੇ ਰਜਿਸਟ੍ਰੇਸ਼ਨ ਕਰਾ ਕੇ ਯੋਜਨਾ ਦਾ ਫਾਇਦਾ ਲੈਣ ਵਾਲਿਆਂ ਤੋਂ ਪੁਰਾਣੀ ਕਿਸ਼ਤਾਂ ਦਾ ਪੈਸਾ ਵੀ ਵਸੂਲਿਆ ਜਾਵੇਗਾ।

ਨਵੇਂ ਸਾਲ ਦਾ ਪਹਿਲਾ ਦਿਨ ਕਿਸਾਨਾਂ ਲਈ ਨਵੀਂ ਖੁਸ਼ੀ ਲੈ ਕੇ ਆਏਗਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇਸ਼ ਦੇ ਕਿਸਾਨਾਂ ਨੂੰ ਨਵੇਂ ਸਾਲ ’ਚ ਤੋਹਫ਼ ਦੇਣਗੇ। ਪੀਐੱਮ-ਕਿਸਾਨ ਸਨਮਾਨ ਨਿਧੀ ਦੇ ਤਹਿਤ …